Friday 28 August 2009

Ruimtestasie en dalk Pendeltuig Sondag sigbaar oor SA

Nasa-voorstelling van die pendeltuig vasgemeer aan die ruimtestasie.

Volg die hele sending se verloop op Twitter. Al die ondersoek om te kyk of die pendeltuig nie skade tydens die lansering opgedoen het nie is voltooi. Nou vir die nader beweeg en die vasmeer:


Twitternuus: Sondag, 23:17 - Discovery is 45 miles away from the International Space Station, still on track for docking at 9 p.m. EDT tonight. http://tinyurl.com/ma48dc

Sondag 18:53 - 18:54: Ek en Pieter het die helder stasie met die pendeltuig doer agter op sleeptou (nie sigbaar vir ons) 4 keer gesien. Vir kort oomblikke in dele waar minder wolke of oop was. (Hannes Pieterse).

Sondag: Dit lyk of die pendeltuig wat toe eindelik Vrydagnag gelanseer is eers vandag (Sondag) aan ruimtestasie gaan koppel, of sal mens dit vasmeer noem. Kyk vanaand of jy twee spikkels sien wat oor beweeg. Die ruimtestasie is so groot soos `n rugbyveld en die pendeltuig is naastenby groot soos `n boeing 737.

Vrydag: Die Pendeltuig (Discovery) wat moontlik teen Sondagaand aan die Internasionale ruimtestasie vasgemeer is, kan Sondag so 18:50 regoor Suid-Afrika gesien word. Wees op die uitkyk. Hier is die tye vir die Bloemfontein-omgewing. In die stadium is die pendeltuig se lansering nog op ys en kan dalk vanaand (VSA se Vrydag-aand) eers gelanseer word.

Die twee kan Sondagaand van 18:50:27 so op `n 10 grade hoogte in die Suidweste gesien word. Om 18:53:18 is dit op sy hoogste - 81 Grade WSW. Dan beweeg dit oor tot dit weer so 10 grade bo die horison in `n Noordoostelike rigting verdwyn.



30 Aug 18:50:27 10 SW 18:53:18 81 WSW 18:56:20 10 NE

Laat weer of julle die stasie gesien het. En die Pendeltuig?

Groete

Hannes Pieterse

Thursday 27 August 2009

Net sommer vir die interessantheid!

Na aanleiding van die feit dat die wêreld se sterrekundiges verlede jaar besluit het dat daar nou net agt planete is, het die lekker ou rympie Meneer Van As, My Jas Sal U Nie Pas mos verval – en daarby kom nog die twee gordels ook by.

Ons Radio Orania het toe onlangs ’n kompetisie uitgeskryf om ’n nuwe rympie te kry, sodat kinders – en mense – die volgorde van die hemelliggame vanaf die son makliker kan onthou. Die woorde was natuurlik die volgende:

M = Mercurius

V = Venus

A = Aarde

M = Mars

A = Astroïde gordel

J = Jupiter

S = Saturnus

U = Uranus

N = Neptunus

K = Kuyper gordel

’n Jong vroutjie van Orania, Susan Joerling, het die kompetisie gewen met die volgende poging:

Mense Vra Altyd, Moet Alle Jong Sterre Uit Newels Kom?

Netjies, né?

Groete,

Franz Conradie

Tuesday 25 August 2009

Komeet Christensen - Tekening

Thinus van der Merwe het komeet Christensen gaan soek en hierdie skets geteken soos dit Maandagaand gelyk het.

  • Kliek op die skets om dit te vergroot.

Sunday 23 August 2009

C/2006 W3 (Christensen) uit die stad opgespoor

Ek en Pieter het Sondagaand tussen 22:00 - 23:00 vir komeet C/2006 W3 (Christensen) in die konstellasie Sagitta opgepoor en geskets. Dof uit die stad maar tog duidelik sigbaar met `n 10" Dobsonian. Volgens Skytools 3 is die komeet nou magnitude 8.2. Kon nie `n koma sien nie. Lyk meer soos `n "globular cluster", maar het tog `n effense langwerpige vorm.

Werkswyse:
1. Kyk eers op TheSky 6 waar hy is en kry merker sterre.
2. Ek soek met verkyker na redelike helder merkersterre en lig met groen laserwyser.
3. Pieter soek die lasermerk in die lug met teleskoop se "Finder scope". (Beeld onderstebo)
4. Hy kyk deur die oogstuk en daar sit die komeet. (Spieëlbeeld met dobsonian)

Soms soek mens bietjie op en af en links en regs. partykeer is jy gelukkig en kry dit maklik. Jou vooraf huiswerk op die rekenaar is nogal belangrik. Ook die merkersterre wat jy gebruik.

  • Hier is `n kaart vir Maandagaand, 24 Augustus. Laai af (Pdf-formaat)
    Soortgelyk aan die kaart wat ons gebruik het.